முஷ்ரூம் கிரேவி

முஷ்ரூம் கிரேவி – Mushroom Gravy

Ingredients

• மஷ்ரூம் -கால் கிலோ
• எண்ணெய் -தேவையான அளவு
• உப்பு -தேவையான அளவு
• வெங்காயம் -1
• ஏலக்காய் -3
• மிளகு -1 டீஸ்பூன்
• பூண்டு -3 பல்
• இஞ்சி -சிறிது அளவு
• சோம்பு - 1 டீஸ்பூன்
• தேங்காய் துருவல் -கால் கப்
• கசகசா - அரை டீஸ்பூன்
• பட்டை -2
• கிராம்பு -3
• வர மிளகாய் -3
• கொத்தமல்லி -1 ஸ்பூன்
• சீரகம் -1 டீஸ்பூன்

Method

Step 1

அரைக்க வேண்டிய பொருட்கள்: வெங்காயம் -1 ஏலக்காய் -3 மிளகு -1 டீஸ்பூன் பூண்டு -3 பல் இஞ்சி -சிறிது அளவு சோம்பு - 1 டீஸ்பூன் தேங்காய் துருவல் -கால் கப் கசகசா - அரை டீஸ்பூன் பட்டை -2 கிராம்பு -3 வர மிளகாய் -3 கொத்தமல்லி -1 ஸ்பூன் சீரகம் -1 டீஸ்பூன்

Step 2

முதலில் மஷ்ரூம் ,வெங்காயம் பொடியாக நறுக்கி வைத்துக் கொள்ளவும்.பின்பு அரைக்க கொடுத்துள்ள பொருட்களை சிறிது அளவு தண்ணீர் ஊற்றி நைசாக அரைத்து வைத்துக் கொள்ளவும்.

Step 3

பின்பு ஒரு கடாயில் எண்ணெய் ஊற்றி அதில் அரைத்து வைத்த மசாலாவை ஊற்றி பச்சை வாசனை போகும் வரை வதக்கவும் .பின்பு அதில் மஷ்ரூம் மற்றும் உப்பு போட்டு வதக்கவும்.மஷ்ரூம் வதங்கிய பின்பு இறக்கவும் .சுவையான மஷ்ரூம் கிரேவி ரெடி.

சிக்கன் வடை – Chicken Vada

சிக்கன் வடை – Chicken Vada

Ingredients

• சிக்கன் (boneless ) -150 கிராம்
• சின்ன வெங்காயம் -50 கிராம்
• கரம் மசாலா -1 ஸ்பூன்
• இஞ்சி ,பூண்டு விழுது -அரை ஸ்பூன்
• உப்பு -தேவையான அளவு
• பிரட் தூள் -150 கிராம்
• முட்டை -1
• எண்ணெய் -தேவையான அளவு

Method

Step 1

முதலில் வெங்காயத்தை பொடியாக நறுக்கி கொள்ளவும்.பின்பு சிக்கனை மிக்ஸ்யில் நைசாக அரைத்து வைத்துக் கொள்ளவும்.அரைத்து வைத்த பின்பு சிக்கனுடன் ,கரம் மசாலா தூள் ,இஞ்சி ,பூண்டு விழுது,வெங்காயம் மற்றும் உப்பு போட்டு பிசைந்து வைத்துக் கொண்டு வடையாக அல்லது உருண்டைகளாக உருட்டி வைத்துக் கொள்ளவும்.

Step 2

பின்பு ஒரு பாத்திரத்தில் முட்டையை உடைத்து அதில் உள்ள வேளை கருவை மற்றும் ஊற்றி கொள்ளவும் .பின்பு ஒரு பிளேட்டில் பிரட் தூளை வைத்து கொள்ளவும்.பின்பு ஒரு கடாயில் எண்ணெய் ஊற்றி அதில் உருட்டி வைத்த உருண்டைகளை முட்டையில் பிராட்டிய பின்பு அதை பிரட் தூளில் போட்டு பிரட்டி எடுத்து எண்ணெய் போட்டு பொரித்து எடுக்கவும்.இப்போது சிக்கன் வடை ரெடி .

In English

Items required
1. Boneless Chicken – 150 gm
2. Small Onions – 50 gm
3. Garam Masala – 1 Spoon
4. Ginger Garlic Paste – 1/2 Spoon
5. Salt – as required
6. Bread Crumbs – 150 gm
7. Egg – 1 nos.
8. Oil – as required
Preparation Guide
Chop the small onions in to pieces. Grind it along with Chicken to make it as paste. With the paste, now add garam masala, chopped onions, ginger garlic paste and salt. Mix it throughly so that the masala mixes well with chicken and other ingredients. Once mixed throughly make the paste in to your desired shape like balls or like vada shape.
In a vessel, break the egg and use only the white part in the egg (Don’t add the yellow from Egg). Add the bread crumbs along with white part of egg in vessel and mix it throughly. Pour oil in Kadai as required. Dip the vada or the shape you made with egg bread crumb mix and deep fry in the Kadai pan to make tasty chicken vada.

சீரக சம்பா அரிசி சிக்கன் பிரியாணி

சீரக சம்பா அரிசி சிக்கன் பிரியாணி

Ingredients

• சிக்கன் -அரை கிலோ
• சீரக சம்பா அரிசி -1 கப்
• பெரிய வெங்காயம்-1
• தக்காளி -1
• கொத்தமல்லி தழை -1 கப்
• பச்சை மிளகாய் -2
• மஞ்சள் தூள் -அரை டீஸ்பூன்
• மிளகாய் தூள் -1 டேபிள் ஸ்பூன்
• மல்லி தூள் -2 டேபிள் ஸ்பூன்
• உப்பு -தேவையான அளவு
• எண்ணெய் -தேவையான அளவு
• இஞ்சி பூண்டு பேஸ்ட் -2 ஸ்பூன்
• பட்டை -2
• கிராம்பு -2
• ஏலக்காய் -2
• பிரியாணி இலை-1

Method

Step 1

முதலில் வெங்காயத்தையும் மற்றும் தக்காளியையும் தனி தனியாக அரைத்து வைத்துக் கொள்ளவும்.பின்பு பச்சை மிளகாய் மற்றும் கொத்தமல்லி தழையும் சேர்த்து அரைத்து வைத்துக் கொள்ளவும்.அரைத்து வைத்த பின்பு ஒரு பாத்திரத்தில் சிக்கனுடன் அரைத்து வைத்த வெங்காயம்,தக்காளி,கொத்தமல்லி தழை மற்றும் மஞ்சள் தூள்,உப்பு,மிளகாய் தூள்,மல்லி தூள்,தயிர்,இஞ்சி,பூண்டு பேஸ்ட் எல்லாவட்டரையும் சேர்த்து பிசைந்து அரைமணி நேரம் உற வைத்துக் கொள்ளவும்.

Step 2

பின்பு குக்கரில் எண்ணெய் ஊற்றி அதில் பட்டை, கிராம்பு, ஏலக்காய், பிரியாணி இலை, பொருட்களை போட்டு எண்ணெய் சேர்த்து தாளித்த பின்பு அதில் உற வைத்த சிக்கனை போட்டு சிறிது நேரம் வேக விடவும்.வேக வைத்த பின்பு அதில் அரிசியையும் போட்டு கிளறி விட்டு தண்ணீர் ஊற்றி குக்கரை மூடி விட்டு இரண்டு விசில் விட்டு பத்து நிமிடம் சிமிழ் வைத்து இறக்கவும்.சிக்கன் பிரியாணி ரெடி. குறிப்பு:(சீரக சம்பா அரிசி ஒரு கப் அரிசி வைத்தால் ஒன்றை கப் தண்ணீர் ஊற்றினால் போதும் அதிகம் தண்ணீர் ஊற்றினால் சாதம் குழைந்து விடும்.)

மட்டன் சுக்கா வறுவல் – Mutton Chukka Varuval

மட்டன் சுக்கா வறுவல் – Mutton Chukka Varuval

Ingredients

• மட்டன் -அரை கிலோ
• வெங்காயம் -1
• மிளகாய் தூள் -1 ஸ்பூன்
• மல்லி தூள் -1 ஸ்பூன்
• மஞ்சள் தூள் -1 டீஸ்பூன்
• மிளகு தூள் -2 ஸ்பூன்
• இஞ்சி,பூண்டு விழுது -1 டேபிள்ஸ்பூன்
• உப்பு -தேவையான அளவு
• எண்ணெய் -தேவையான அளவு
• கிராம்பு -2
• பட்டை -2
• பொட்டுக் கடலைமாவு -2 ஸ்பூன்( பொட்டுக் கடலையை மிக்ஸ்யில் பொடியாக அரைத்து வைத்துக் கொள்ளவும் )
• சோம்பு - 1 டீஸ்பூன்
• கரம் மசாலா - 1 டீஸ்பூன்

Method

Step 1

முதலில் வெங்காயத்தை பொடியாக நறுக்கிக் கொள்ளவும்.பின்பு குக்கரில் மட்டன் ,உப்பு,மஞ்சள் மற்றும் தேவையான அளவு தண்ணீர் ஊற்றி ஏழு விசில் வரும் வரை வேக விட்டு இறக்கவும்.

Step 2

பின்பு ஒரு கடாயில் எண்ணெய் ஊற்றி அதில் பட்டை ,கிராம்பு ,மற்றும் சோம்பு போட்டு தாளிக்கவும் .தாளித்த பின்பு அதில் வெங்காயத்தை போட்டு நன்கு வதக்கவும்.வெங்காயம் வதங்கிய பின்பு அதில் மிளகாய் தூள் ,மல்லி தூள், கரம் மசாலா மற்றும் மிளகுத் தூள் போட்டு வதக்கவும்.

Step 3

வதக்கிய பின்பு அதில் வேக வைத்த மட்டன் துண்டுகளை போட்டு தண்ணீர் சுண்டும் வரை வேக வைக்கவும்.மட்டனில் தண்ணீர் வற்றிய பின்பு அதில் பொட்டுக் கடலை மாவை போட்டு பச்சை வாசனை போகும் வரை கிளறி விட்டு இறக்கவும்.இதோ மட்டன் சுக்கா ரெடி .

இறால் தொக்கு – Prawns Thokku

இறால் தொக்கு – Prawns Thokku

Ingredients

• இறால் -200 கிராம்
• பெரிய வெங்காயம் -1
• தக்காளி -1
• பச்சை மிளகாய் -2
• இஞ்சி ,பூண்டு விழுது -1 டேபிள்ஸ்பூன்
• மஞ்சள் தூள் -அரை டீஸ்பூன்
• மிளகாய் தூள் -1 1/2 டேபிள்ஸ்பூன்
• மல்லித் தூள் -2 டேபிள்ஸ்பூன்
• கொத்தமல்லி தலை -சிறிது அளவு
• உப்பு - தேவையான அளவு
• எண்ணெய் -தேவையான அளவு

Method

Step 1

முதலில் வெங்காயம் ,பச்சை மிளகாய் மற்றும் தக்காளியை பொடியாக நறுக்கிக் கொள்ளவும்.பின்பு ஒரு கடாயில் எண்ணெய் ஊற்றி அதில் இஞ்சி ,பூண்டு விழுதை போட்டு வதக்கவும்.வதக்கிய பின்பு வெங்காயம் போட்டு வதக்கவும்.

Step 2

வதக்கிய பின்பு அடுப்பை மிதமான (low ) சூட்டில் வைத்த பின்பு கடவை தட்டு போட்டு மூடி இரண்டு நிமிடம் வேக விடவும்.பின்பு தட்டை எடுத்துவிட்டு அதில் பச்சை மிளகாய் மற்றும் தக்காளியை போட்டு சிறிது நேரம் வதக்கவும்.வதக்கிய பின்பு அதில் மஞ்சள் தூள் ,மிளகாய் தூள் ,மல்லி தூள் ,இறால் மற்றும் உப்பு போட்டு சிறிது நேரம் வதக்கவும்.

Step 3

வதக்கிய பின்பு அதில் ஒரு குழி கராண்டி அளவு தண்ணீர் ஊற்றி கிளறி விட்டு மூடியை போட்டு மூடி எண்ணெய் சுண்டி வரும் வரை வேக விட்டு இறக்கவும் .இப்போது இறால் தொக்கு ரெடி.

இறால் புளிகுழம்பு – Prawns Curry

இறால் புளிகுழம்பு – Prawns Curry

இறால் புளிகுழம்பு  செய்முறை

Ingredients

• இறால் -200 கிராம்
• பெரிய வெங்காயம் -1
• தக்காளி -1
• பச்சை மிளகாய் -2
• இஞ்சி ,பூண்டு விழுது -1 டேபிள்ஸ்பூன்
• மஞ்சள் தூள் -அரை டீஸ்பூன்
• மிளகாய் தூள் -1 1/2 டேபிள்ஸ்பூன்
• மல்லித் தூள் -2 டேபிள்ஸ்பூன்
• கொத்தமல்லி தலை -சிறிது அளவு
• உப்பு - தேவையான அளவு
• எண்ணெய் -தேவையான அளவு
• புளி - எலுமிச்சை பழம் அளவு
• கடுகு - 1/2 டேபிள்ஸ்பூன்
• உளுத்தம் பருப்பு - 1/2 டேபிள்ஸ்பூன்
• கருவேப்பில்லை - சிறுது

Method

Step 1

புளி - எலுமிச்சை பழம் அளவு - நன்கு தண்ணீரில் ஊற வைத்து, கரைத்து கொள்ளவும்.

Step 2

வெங்காயம் ,பச்சை மிளகாய் மற்றும் தக்காளியை பொடியாக நறுக்கிக் கொள்ளவும்.பின்பு ஒரு கடாயில் எண்ணெய் ஊற்றி கடுகு, கருவேப்பில்லை, உளுத்தம் பருப்பு சேர்க்கவும். கடுகு வெடித்த பிறகு அதில் வெங்காயம் ,பச்சை மிளகாய் மற்றும் தக்காளியை போட்டு வதக்கிக் கொள்ளவும்.வதக்கிய பின்பு அதில் இஞ்சி ,பூண்டு விழுது,மஞ்சள் தூள்,மிளகாய் தூள் மற்றும் கொத்தமல்லி தூள் போட்டு வதக்கவும்

Step 3

வதக்கிய பின்பு அதில் இறாலை போட்டு அரை டம்ளர் தண்ணீர் ஊற்றி மற்றும் புளி கரைசலையும் சேர்த்து நன்கு கலக்கி விட்டு கடாயை தட்டு போட்டு முடவும் பின்பு அடுப்பை மிதமான சூட்டில் ( sim )வைத்து குழம்பில் எண்ணெய் திரிந்து வரும் வரை வேக வைத்து இறக்கவும்.இறால் புளி குழம்பு ரெடி.

லெமன் பருப்பு ரசம் – Lemon Dhaal Rasam

லெமன் பருப்பு ரசம் – Lemon Dhaal Rasam

லெமன் பருப்பு ரசம் செய்முறை

Ingredients

• லெமன் -2
• கடுகு -1 டேபிள்ஸ்பூன்
• சீரகம் -1 டேபிள்ஸ்பூன்
• சின்ன பூண்டு -5 பல்
• இஞ்சி –சிறிய துண்டு
• தக்காளி -1
• நெய் -1 டேபிள்ஸ்பூன்
• மஞ்சள் தூள்-1 டீஸ்பூன்
• பருப்பு (சாம்பார் பருப்பு) -3 டேபிள்ஸ்பூன் (பருப்பை ரசம் வைக்கும் (thick) அளவிற்கு வேக வைத்து பருப்பு தண்ணீர் எடுத்து வைத்துக் கொள்ளவும்).
• பச்சை மிளகாய் -2
• சக்கரை -1 டீஸ்பூன்
• உப்பு –தேவையான அளவு
• பெருங்காயம் - சிறிதளவு
• கொத்தமல்லி தழை - சிறிதளவு

Method

Step 1

முதலில் லெமனை பிழிந்து சாரை எடுத்து வைத்து கொள்ளவும் .பின்பு இஞ்சி மற்றும் தக்காளியை பொடியாக நறுக்கிக் கொள்ளவும்.நறுக்கிய பின்பு ஒரு கடாயில் நெய் ஊற்றி அதில் கடுகு போட்டு தாளிக்கவும்.தாளித்த பின்பு சீரகத்தை போட்டு தாளிக்கவும்.

Step 2

தாளித்த பின்பு அதில் பூண்டை போட்டு வதக்கவும்.வதக்கிய பின்பு அதில் இஞ்சியை போட்டு வதக்கவும்.வதக்கிய பின்பு அதில் பச்சை மிளகாய் கீறி போட்டு அத்துடன் தக்காளியை போட்டு வதக்கவும்.தக்காளி வதங்கிய பின்பு அதில் பருப்பு தண்ணீரை அதில் ஊற்றவும்.ஊற்றிய பின்பு உப்பு,சக்கரை மற்றும் மஞ்சள் போட்டு கொதிக்கவிடவும்.

Step 3

கொதி வந்த பின்பு அதில் பெருங்காயம் மற்றும் எலும்பிச்சை சாரை அதில் ஊற்றி ஒரு கொதி வரும்போது இறக்கவும்.(குறிப்பு: எலும்பிச்சை சாரை ஊற்றி பின்பு நன்கு கொதிக்க விட வேண்டாம்).அதில் கொத்தமல்லி தழை போடவும்.இப்போது லெமன் ரசம் ரெடி.